每日三件感恩事 IV

我同Team既同事星期五Last Day 喇

我睇返果日影既相

對我自己日久失修既頭感到好恐佈～

於是今日去左剪頭髮呀

今日要感恩既係

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

1. 感恩自己終於捨得去剪頭髮

過年到而家喇

真係嚇死人

遇到個都OK既髮型師 雖然我幫襯左依間髮型舖好耐

但一直都無指定髮型師

不過 依個好有心機去修耷我頭亂草呀

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

2. 今日去左CK OUTLET買左好多野呀

洗左800蚊

但有一件外套 兩條裙 一件恤衫 三個BRA

好抵呀

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

3.今日悠悠閒同小A去食大坂王將

之後仲行左陣街

然後拎左KW送既GODIVA COUPON換左杯

黑朱古力飲

超好味

小A都破戒偷飲左半杯呀

每日三件感恩事 III

今日要感恩既事都唔少架

話說尋晚同公司朋友出去食飯

所以6點就要放工

當大肚婆望住我用殷切既眼神問我係咪走時

我話：係呀, 我聽日返黎做

佢好失望又有少少心虛咁話

你聽日返黎呀  咁我留一陣做埋d野啦

話說佢前晚雖然留到11點

但完成既數量極少

尋日又全日無入過

但d野真係要尋日做好囉

結果心存少少希望

希望佢會做起碼同前日咁上下既數量啦

但係我九點幾食完飯收到佢msg

話佢一個都無做過

因為好忙。。。。。。

我即刻心裡佈滿粗口

好想鬧爆佢

返到屋企忍唔住同我老頂呷

佢竟然答應返公司幫我手完成

我超感動

所以我要感恩既事係

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

1. 雖然我脾氣臭 又情緒化 但係我阿頂都好就我

2. 星期六既朝早  可以同小A一齊落街食麥記早餐

3. 係完成完一日既加班後  同小A睇左套好好眼既電影

一切重音樂再開始日

每日三件感恩事 II

嘻 寫開又好想日日寫喎

記得以前係台灣有個日記網

如果俾錢就會有好多唔多既增值功能

但如果你係佢既連續寫日記活動中

連續3個月都日日寫日記

咁你下年就可以免費享有所有增值功能

果時真係做到架

但做完之後

第二年無寫囉

哈哈哈

真係年少多好呀

 果時寫下日記都可以識到班朋友

但當然啦 真正Keep到既又好少啦

好

又黎三件感恩事先

*************************************************************************************************

1. 今日知道有件活躍的肥膏 令我都感染到肥膏主人既喜悅呀

************************************************************************************************* 

2. 今日雖然俾個大肚婆既不負責任激到責責跳  但係我仲有一d好同事陪我

好彩今日仲相約偷走出去食飯 食得超級開心

3. 尋日覺得好多野做好沮喪  覺得d野做唔黎好唔開心

今日守得雲開見月明  好多task都得到好消息又或者係被我遂件擊破

雖然又有新task  但亦都ko埋

實在令人振奮

************************************************************************************************* 

4. 嘩! 今日好多感恩事呀, 寫下寫下唔止3 件

我知我成日臭脾氣 成日黑面 成日惡死

感恩我既上司都好包容我既任性 忍受我既情緒化 

************************************************************************************************* 

5. 今日偷偷食出去食完飯後

同陳生返公司時被大姐斷正

但佢居然無問我地去左邊 亦都冇問我同邊個去食

*************************************************************************************************  

6. 雖然今日d野做唔哂要加班到陪唔到屋企人食飯

但係佢地食飽左都買埋外賣俾我呀返去食

*************************************************************************************************  

 7. 小A 身體好似越黎越好

真係令人好快樂!

************************************************************************************************* 

曾志偉話  唔滾唔知身體好

我就唔寫唔知心情好

真係寫到個人心曠神怡呀

每日三件感恩事

同JU媽傾計時

大家都好想每日都寫下日記

但又無咩心機

見最近負面情緒爆燈

好~ 學而家facebook 個game咁

每日寫下d 感恩事

等自己個人正面d 先

1. 今晚雖然係farewell 我既合約同事, 但大家圍埋一齊食左餐好好好好味既海鮮餐, 真係好開心

2. 爸爸今日覆whatsapp時打左句好搞笑既野 "如, 果你地址得我, 請打兰"

我一睇就估到佢問我地得唔得閒同佢食飯,佢請我地打冷

wakakakaka 得到全家一致讚賞

我覺得我既family好可愛

3. 跳左一個星期jumping jack workout, 小A 今日話我瘦左少少少少少少少少少少少少

**********************************************************************************************************

寫完感恩野

可唔可以呷下呀? 希望唔會中和左個正能量啦

wakakakaka

依幾日我地個新系統終於啓動

有好多好多好多問題

好多好多電話

合約同事星期五就走喇

以後得我一個面對喇

我有少少覺得前路茫茫

另外, 又月好多唔同既kick手野

我又覺得好氣餒喇

我覺得自己做唔黎

同部門有３個同事今個月一齊走......

好難捱

 希望咁既日子快d 快d 快d完喇

北京拉麵店@太子

哎唷

尋日同小A行到去旺角搵食

行行下就黎到太子依間北京拉麵店

記得以前依到D野都幾好味架

咪入去食囉

點知................................

因為小A 依幾個月腸胃都好麻麻

佢唔想食到太飽

所以我地諗住叫個客飯套餐再加兩個餸

依個係小A既銀芽炒鱔糊

味道KEEP到 個菜飯亦好大碗

兩個人分食唔係問題

我一向好鐘意食口水雞呀 怪味雞呀之類既食物

小A見到餐牌上面新增左依項

就話叫俾我食喇

可惜可惜可惜

真係大跌眼鏡呀

從來無食過咁難食既口水雞

隻醬無味都算啦

隻雞仲要有雪味 我食食下仲覺得有少少垃圾味

簡直作嘔

咁都收我$55

然後諗住叫D佢本身餐牌都有既野會穩陣D

依個叉子燒餅........

一般般啦 小A覺得唔好食

我自己就覺得同以前差不多

無話差左既

個燒餅都熱熱地亦夠脆

中間果兜係以前阿媽炒雜粒果D雪藏雜豆

我自己本身都OK

但就應該唔係正統叉子燒餅既料o掛.......

總括黎講都係差架喇

若然下次有機會再黎的話

都應該只係幫襯客飯

實在太令我失望喇........

李氏發威 - 海鷗

今日海鷗來襲

但佢時快時慢

本來話傍晚時份就考慮8仔架

但後尾天文台不斷廷後掛波日期

最終就係22:30 掛左架

真係好搞笑

雖然李氏能場之說真係得啖笑

但又真係次次都係咁樣

放工先掛

所以次次睇到依副圖我都覺得好好好好笑呀~~

哈哈哈哈

帶媽媽去旅行II

是這樣的

一直覺得D 上左年紀既人唔囉嗦時好可愛

之前睇韓國既"花樣爺爺"

已經上左癮

可惜既係唔知會唔會有新一季

之前上網見到依個後生仔帶住媽媽做背包客環遊世界

已經覺得好佩服

作者因為爸爸過左身

怕媽媽好傷心

所以決定帶住媽媽去遊世界散心

******************************************************************

今日小A帶我去尖沙咀搬遷清貨

居然俾我發現依本書

既然有七折

好! 就買啦!

至於點解會買"II"呢

因為 "I" 係講亞洲呀

(仲有好多大陸添)

而"II"係講歐洲

(以前唔多好歐洲既我 睇完花樣爺爺之後愛上左)

所以就買"II"喇

如果好睇就買埋"I"啦

******************************************************************

好期待 十一月全家一齊去旅行呀

我覺得 我阿爸應該會好似花樣爺爺既果隻熊咁樣

哈哈

諗下都覺得好笑~~

期待期待

希望我地可以有能力

帶住爸媽遊世界!