依幾日香港發生既事
唔駛我講 大家睇新聞都知
上個月 我打算請埋10月3日假既時候
無諗過
原來要咁樣過
有時不得不佩服班後生仔
夠勇
如果唔係佢地既霸課
如果唔係最後一日佢地衝入本應屬於人民既公民廣場
(CCTVB 維穩式將佢改為政總前地)
(前乜叉野地呀? 議事亭前地呀?)
警察拘捕學生
黃之峰佢地仲無故地不獲保釋
香港人唔會嬲到要走出黎
如果大家唔係咁嬲
唔咁多人出哂黎
唔會多人到夠膽去突破防線
當然 最估唔到係警察會咁樣對和平示威既市民
當日我同小A諗住去金鐘撐一撐學生
諗住撐一撐就走
點知去到無耐警察就放催淚彈
離事發地幾條馬路既我地
見到D 煙之後唔夠30秒
風向吹埋黎
其實黎到已經無煙
但我都FEEL到刺鼻
大家好驚 在場人士好多都係年青人
有D 跑有D喊
好彩好快已經叫停跑既人
大家開始慢慢向後行
俾前線示威者有位走
小A 一路拉住我行 一路叫我戴口罩 一路叫我唔駛驚
我知佢都好驚
但除左驚我地仲好嬲
嬲到爆炸既我地
睇到大家廣傳既破催淚彈方法
立即聯同附近朋友由金鐘搭車去尖沙咀撲物質
撲完返到去
警察仲話要封金鐘站
我地放低物資係物資站就走左去灣仔
當日
警察放左86枚手榴彈
報道話
上次趕世貿既韓農都只係用左四十幾隻
仲要係人地有棍有盛
野野ban落你地班警察到你先咁做
而警察上一次對市民放手榴彈
係六七暴動
當時D 人係放炸彈
嚴重影響到市民既性命
今日呢?
你個PK政府驚聽日d人仲係金鐘怕你地返唔到工
你出催淚彈?
我地有d乜野?
保鮮紙! 遮! 雨衣!
全部都係因為你地出胡椒噴霧
無性咁係咁噴人
為左保護自己先咁做
你地班官仲要日日係到話警察被遮襲擊
見到d 人包保鮮紙覺得佢地有威脅
係咪癲架? 香港政府已經癲到不能用說話去形容
之後國媒體開始注視依件事
仲幫地起左個朵
Umbrella Revolution 遮打/雨傘革命
被金鐘封路影響
市民去左灣仔, 銅鑼灣, 中環, 旺角
警察間接令民主遍地開花
依6日裡面 我去左4日
去過金鐘, 銅鑼灣, 旺角
雖然每次都係放低物資
然後坐幾鐘就離去
但我眼見既集會
和平 有禮 個個都好乖
見到有野要幫手都會主動做
隔一陣就會有人問你要唔要口罩, 野食, 水, 雨衣
垃圾會主動幫你掉
仲要分埋類
見到佢地咁好咁可愛
上網見到有人不斷係到抹黑
話佢地唔理性 話佢地係暴民
有D仲要不斷話佢地拎住把遮唔係手無寸鐵
我真係好想好想拉佢地落去現場睇下
咩叫和平 咩叫理性
Facebook 亦掀起左unfriend 熱潮
雖然我都好有衝動unfriend佢地
但都係當睇唔到就算
因為民主
就係佢地點9up都好 佢地都係有言論既自由
而依樣
亦係我地最想香港未來可以繼續保持到既野
行到依步
剛剛cy既9up仲未完
只係話可以係人大框架下話
(即係對話完都係廢)
但香港人 加油!!!!
我地唔可以輸!!
