Moomin Cafe 娒明Cafe @ LCX

好友WL 於生日會終於夠腳舉行

鐘意娒明既佢選址LCX既娒明Cafe

食既時候係年初五

大家都過年後第一日返工

個個都準時收工

yeah~~

七點未夠已經有朋友到場拎左飛

不過都係要人齊先入得

限時90分鐘

等下等下齊人都差不多八點

娒明cafe 食既係芬蘭菜

不過望落同一般西餐無乜分別

都有set

lunch大概百五蚊

dinner就要二百五

不過我地覺得散叫抵d

 我地7個大人2個小朋友

第一道要左三文魚

依道ok 無乜特別

但幾乎係依餐最好味既菜

沙律

好一般

 依個烤羊架

叫做不過不失 但有d乾

西冷扒配大蝦

d扒係生得黎un..蝦烤得異常乾

依個魚扒配大蝦

蝦當然都係乾啦

魚就ok

依個漢堡扒相當難食

一場黎到娒明cafe

當然想試下佢d咖啡 因為有娒明主角既拉花

我地一共叫左四杯咖啡 一杯藍莓咖啡 一杯...唔記得係咩啦

但幾杯飲品既出場時間係貫穿成餐飯

第一杯史力奇係三文魚一到已經黎左

其他每杯咖啡大概相隔半個鐘

最後三催四請嘴都抺哂

 樹精同其他野飲先至上場

收到成五十蚊一杯

味道係勁淡

一d咖啡味都無

主打既拉花你望下

隻樹精中左槍?

 

最後係甜品

總算為餐飯加返少少少少咁多分

叫左2個pancake

可自選娒明小擺設

食完可以拎走

個pancake味道叫ok

側邊個三層塔都有野食

 第一層係焦糖燉蛋

味道都OK

第二層係荔枝啫喱 

 

第三層係黑朱古力慕絲

朱古力濃到有d苦

最後既係樹精芝士餅

算幾好味

埋單係 $1668

成餐飯最開心只係影左幾張娒明相

當然依個係主要既入場原因

都估到d野食唔會話好好味

但收得咁既價錢

又無諗過會難食到咁囉

唔值完全唔值

成間餐廳又混亂

食左個半鐘頭

佢起碼出錯三次菜

上菜已經慢

仲要不斷俾d我地食左既餸黎

真係離哂譜!!

唔會再幫襯! 

博洛尼亞 Bo-Lo'GNE Cafe and Bar@希慎

過年前最後一個星期日

中午同姊妹們去左HIGHTEA之後

夜晚同小A去左銅鑼灣買鞋過年

行左唔夠一陣SOGO

我地2個虧仔覺得好累又好餓

所以決定先去食飯

突然好想食卡邦尼

所以重溫小A生日果時我地去既BO-LOGNE

就係SOGO對面既希慎

我地揀左一個飯一個意粉

(但無揀卡邦尼囉~~)

叫正食可以加 $45 /$55 / $65

要兩至四樣配料配成餐

我加左三樣要左湯, 沙律同埋熱檸茶

小A就要少左個飲品

小A要左周打蜆湯 我就要左佢既磨茹湯

兩款都好好味呀!!

跟住就係沙律

好 主菜到

小A既牛油果大蝦意粉

味道不過不失

唔算好好味

我既咖喱炸雞飯

個炸雞好味道

但個咖喱淡左D

而個蛋包飯呢...........................

個蛋好薄咁舖係飯面

麻麻地

雖然主菜好失色

但係我地都仲係好有興趣

叫左依個厚多士

好味道!!!

BOLOGNE果然係多士出命呀

比起甜牙牙佢D多士脆口得黎唔漏

連我一般甜品既人都覺得想再翻啅呀!!

推介!

由於情人節過左無幾耐

所以餐廳仲係有少少情人節裝飾

不過奇就奇在仲有客人係餐廳

但D Waiter 竟然係客人個頭上面拆汽球裝飾

仲要係.........篤爆佢....

真係O哂咀....

初三長洲遊

過年放4日假

唔知點解抽起條筋好想去長洲

今日初三雖然成2點先起身

不過都趕得切入去喎

 尋日去左AIA嘉年華

係連續2日過黎中環碼頭呀~~~

好彩一去到就有加開船

 半個鐘入到去

估唔到有勁多人想法同我一樣

長洲勁多人囉!!!!!!!!!!!

為左早D出門口

我地無乜食野

只係叮左幾隻餃子食

所以一黎到當然係要醫醫肚啦~~

大大魚蛋係長洲特式

依間勁多人排隊

幾年前阿長洲舊同事都帶我地黎食過呀

 

勁大粒魚蛋

依個三文魚芝士丸都勁吸引

一共要左三串

一大一細魚蛋再加埋頭先既三文魚芝士丸

 $40

 

大細魚蛋既比例真係差好遠

大大粒夠彈牙

細細粒既小A話有魚味

至於三文魚芝士丸都好正呀!

芝士丸仲食到 "BI"哂汁呀

 

魚蛋店附近有堆人群

所以我過去八下係咩啦

見到依個叔叔整緊啲叫吹糖既野

佢係依D糖膠到左了D右了D

了到舊長方型既膠出黎

然後坐係個妹妹面前

用較剪係舊膠到剪呀剪

一陣間就變左隻公仔出黎呀

超厲害!

 

然後再一直行去沙灘附近

買紅豆餅

長長既人龍都係買紅豆餅

 

6蚊一個, 20蚊4個

超多紅豆餡

 小A就買左手卷

都幾貴$24一個

蟹子蟹柳腸仔手卷

 

食飽飽我地就去沙灘

  

跟住小A拍哂片

天都黑哂

 我地就諗住搵間海鮮檔食下

(係我今次既目的呀!!)

不過話哂係年初三

加二不突止

仲超多人囉

D姐姐做到炆哂

 所以我地都係決定去返碼頭掃街算數

原來長洲同旺角果D一樣

年初一至三會有期間限定小食檔

放滿哂成個碼頭傍

我地買左五花茶

跟住再食左碗兩溝

雖然好貴 成廿蚊碗

不過超足料!! D菇超厚

但就唔係好夠味

 我落左勁多醋

 

跟住好好彩

唔駛點排隊就可以上船喇

因為係慢船

小A話加$10可以坐豪華位

所以我地就豪一次

(哈哈哈哈~~~~~)

不過就算係豪華位都係硬椅囉!

我只想身體健康 之 中度脂肪肝

話說上次Body check 有問題後

我跟手去做個詳細少少既檢查

2月14情人節就去睇報告喇

不過今次個醫生好似好細個咁

而且答問題好唔專業囉

佢首先同我解釋返份報告d數字

肝功能果到做左個詳細既檢查

我既指數回落返

係谷丙轉氨酶係輕輕超左1度

跟住膽固醇唔知關唔關我食左一星期麥皮事呢

完全回落返正常水平呀

 咁當我心諗即係無事啦既事候

開始講我個肝CT喇

佢話我有中度脂肪肝

跟手乜都冇講就同我睇片話我個肝Size好正常

就咁就想hea走我

我不斷扯住佢問我脂肪肝即係點

佢問我有冇飲酒

我話無呀

跟住佢話, 你又無飲酒, 又唔係好肥, 啲指數正常, 又無肝炎

咁無野架, 你既脂肪肝原因不明囉

我明佢有咩要做

佢又話冇架 做下運動囉

半年後黎驗身囉

..................就係咁..................

 睇怕我都要再搵個專科睇睇喇.............

又學返琴

經過小A既不斷威迫利誘

(其實無利誘)

我終於的起心肝去搵過個學琴老師喇

(其實係小A幫我搵埋)

上左3堂

明明考完2級既我

已經進展都要由初級學起

哈哈哈

鬼叫自己成年無學琴咩............

又唔練又唔盛...

無計啦..

不過依個阿SIR對手位同埋睇譜好嚴格

我依3堂佢都不斷捉我依D

所以都好既

比起以前果個Free Style

咁而家打返個基礎都係好事

不過依個阿sir好計較

影大一張紙呀, 教琴時間呀

 都會收錢計足鐘咁樣

雖然都啱既

始終人地要搵食

不過呢....................

搞到我有少少掛住以前果個阿sir

但無計啦

各有各好既

不過一學返琴呢........

我又懶練琴喇.....

懶蟲基因又出黎....

原來我............................

話說小A 上年做完Body check之後

不斷做保長叫我去check

我拖到1月2號終於都做左

一心諗住買個保險應該無乜特別

除左照盆腔果時有少少擔心

其他心諗都覺得自己無乜問題....

************************************************************

 攞報告前仲牙斬斬

一拎報告見到d.....粗體....既數字就啞左

空腹血糖 5.5

係健康範圍既最高................

膽固醇 6.1屬偏高

爭少少就係高

最恐佈係肝酵素

正常係低過41.............

我.....竟然係95!!!!!!!!!

嚇到賴屎!

即刻轉介去搵醫生跟進

係等醫生既期間

我不斷係到反省

(嘩哈哈哈~~~)

最後見醫生果時佢叫我諗清楚驗身前有無食過咩野

中藥呀, 補健藥都計

我心諗無呀

一直都話無呀無呀

跟住佢臨尾忍唔住

要我再諗清楚我驗身前2星期有無做過d乜

 我先突然醒起

12月尾我咳到死死下

最後食左五日抗生素

醫生問我食咩藥幾號食到幾號

然後好滿意咁點點頭話:係喇，係佢喇

不過為安全計

我都係要照超聲波以確定無脂肪肝

同埋抽血染清楚ｄ膽固醇同埋血糖

咁又無左千六個大洋

丄丄

然後子宮果到雖然一切正常

但有一邊發現左個 "卜"

醫生話好少事

應該下次period就可以沖走

但又建議我四至六個月就要去再照

噢

又一筆呀!!

年過30真係唔同哂呀

依到有小毛病

果到有小毛病咁

我決定左呢....

每日飯後落街散步半個鐘!!

(o拿, 暫時只實行左一晚)

每朝早餐食麥皮

(包麥皮今日先買)

夜晚係屋企就以菜為主!!!!!

仲要跳返 Jumping exercise

反正我一直都想減肥架!!

要認真!

估唔到2015一開始就要我認清自己既身體狀況

好啦!依個係我2015 年既目標啦下!