今日到底星期幾?

好癲呀

我好耐好耐都冇試過準時放工喇

自從上個月中

我就為左個新系統

同另外兩位同事困左係間房到博鬥

每日工作時間係12小時起跳

我知我已經無乜資格嗌辛苦

因為另外2位同事比我早幾個月已經係依種狀態

而且佢地星期六日 唔返工都會留係屋企做公司野

我自問絕對唔係事業型女性

(當前大前提係我根本無條件做啦下)

我真係真係真係唔想再過依種生活

好似上一份工咁

 有返工無放工

依到仲要每日多2個幾鐘既搭車時間

扣扣埋埋

我真係無乜自己既時間

雖然

我知道或者有機會

再捱多幾個月就會過

但係之後既日子

我暫時仲未睇到曙光

我已經對數對到唔知而家係邊個月

返工返到唔知今日星期幾

每日早午晚都係同果2個同事食飯

>>>>>>>>>>>>>>>>>_<<<<<<<<<<<<<<<<<

依種日子到底幾時完呀