發炎

上星期六 因為公司有緊要事做返左去加班

基於路程遙遠

加上係假期

一起身都見到隻眼好似有少少紅

心諗都係爆左微絲血管就無乜點理

返到公司已經十二點

本來唔覺得有特別唔妥

不過一返去阿頂就話我隻眼好紅

入廁所照照鏡都發覺係血紅既感覺

但由於係左邊眼白位置

自己睇就唔算好覺

所以一直無理佢

 

當晚小A 開始發覺唔係好妥

但我都係無理

只係停左戴CON一日

一心諗住無乜事

星期一小A生日 仲要帶左大眼仔

點知星期二返工

發覺都係咁紅

就唔敢再戴CON返工

即日仲BOOK左專科睇

 原來眼發炎架!

雖然撲返屋企拎左張醫療咭

不過都要補 $220 拎藥 >_<

仲要過2日覆診呀!

係依個咁忙既星期

任性地請左星期一既假

另外仲要請左2日下午去睇醫生

我都有少少內疚呀

星期四既覆診

又等左醫生個幾鐘

今次放大左瞳孔照埋眼底

醫生話我發炎已經好返

眼底亦好靚

總算無事

不過由於2隻眼都有D乾

就開左藥水俾我

又收左$250 >_<

今次真係肉赤

 差唔多飛走左五舊水

仲要好醜樣咁戴左眼鏡返工兩個星期 >_<

(預計下星期都係戴住眼鏡返工啦..........)

不過眼仔係無價既

下次真係唔敢喇

一有唔妥....都係即刻睇醫生啦.....

>_<