覆診@嬲呀!

晏畫見左我保險經紀

佢黎拎我d claim form呀

真係好人喇

跟住去左手術後第一次覆診呀

醫生話由於我其中一粒瘤有D內膜移位細胞

要防止佢翻發就要控制荷爾蒙

方法就係食避孕藥或者打針

藥要日日食 針就3個月打一次

但要食/打到收經

一諗起要食咁耐就唔係好想

但醫生話如果唔食都唔係唔得既

但就變左無做任何野去預防囉......

唉

最令我灰心既係

醫生做完手術後黎探我話我有D 肌瘤

果下我迷迷懞懞無仔細問佢

今日覆診佢又冇講喎

咁我咪問佢囉

佢話: 係呀, 好細粒, MON住先啦

我問佢係咪肌瘤唔割得

佢靜左一靜跟住話: 咁細粒通常都唔理掂佢既, 如果割就係第2個手術黎架喇

好灰心呀

我入左手術室點解唔係全部同我割清割淨佢呢

仲要繼續mon住

即係有咩問題我又要再做手術?

雖然話唔痛啫

復原都要時間架  手術始終都有風險架!!

好唔開心呀!

同左d 朋友商量之後

決定睇多個醫生問多個意見!

唉

做完手術都未割清     個心好唔舒服呀