2013 翻兜新加坡之旅 DAY 3 (7 Oct 13) Legoland

我實在太懶喇

去完新加坡大半年喇

寫完day 2 隔左 兩個月先寫 day 3 

實在太離譜喇

 好 係2014年既下半年

我要寫返多D 日記先得!

講返正題

新加坡既Day 3 我地去左萬眾期待既LEGOLAND呀!

依個可謂係我地依次旅程既重點項目呀

本身仲想去埋新山果邊既

但後尾小A同大佬傾完之後都係發覺唔係好就腳

都係改為下次先去啦

可能未出發先興奮

我0700 晨咁早就第一個貢起身喇

梳洗完畢享用美食

新加坡既早晨

當然就係喇沙杯麵啦~好味道

返貨之選呀！

 

大陸幫我地用Apps call左的士

嘻~~ 係倫敦大的士呀!

架車又靚 內籠又闊又舒服架

不過由於都幾趕時間我地冇影相呀

 由民宿搭去集合地點要 S$20

(已包CALL車錢 + 倫敦的士起標貴D)

係我地好慶幸趕得及目標時間上的士既時候

小A 再睇多次團購張紙

發覺睇錯左時間

唔係9:00 係9:45

我地足足早左45分鐘去到

白趕左一場 丄丄

我地今次去LEGOLAND 大佬建議我地去新加坡GROUPON買

佢話長期都會有LEGOLAND Package

  Package 包括新加坡馬拉來回車費 + legoland 門卷

位位S$ 180

集合地點係星輝旅遊

由於太早 旅行社都係啱啱開門

我地去到拎左門卷同埋搭車貼紙就諗住周圍行下

本來想食d野

但依到正如大嫂所講 就好似重慶森林咁

係個好舊 好舊 好舊既商場

 你唔會有興趣係裡面食野

而佢附近就係d 好懷舊既屋村

無乜野行 除左7-11

所以建議大家記住睇清楚集合時間

早到好無聊架

 左磨右磨終於到左上車時間

車我地既去既車係一般旅遊大巴

全車連埋我地都唔夠15人

 差不多要過關既時候

小A叫我用電話影低自己個Passport

怕唔見左都有個record

係我回想佢依句說話既時候

呆下呆下咁落車

居然...係架大巴到跣左落黎

哈哈哈 隻拖鞋仲飛到無雷公咁遠

嚇親小A同埋司機

過關果時個馬拉關員問我做咩要黎馬拉

我好興奮咁話我要去Legoland

佢好疑惑咁問我: 香港都有迪士尼啦, 點解要過黎legoland

哈哈  乜一樣架咩?

好野 上返車再搭多一個鐘到 就到legoland喇

本身回程係17:00 

但司機話佢17:30 先返黎接我地

yeah~玩多半個鐘

Ｌ　Ｅ　Ｇ　Ｏ　Ｌ　Ａ　Ｎ　Ｄ　～～

天公相當俾臉 太陽超大

YEAH!

左邊係LEGOLAND 酒店呀

下次黎都想住下

左邊就係入口喇!

我地黎喇

 

所有裝修都係LEGO 砌 

依個廁所牌仔我好鐘意

哈哈

可能我地去既係平日 再加上好早

所以其實成個樂園都冇乜人

做心都係唔駛等既

不過呢 依到其實適合小朋友多D

所有遊戲我地幾乎無玩過咁滯

遊船

其實大人坐都幾勉強

 賽車

另外仲有Ｄ救火車遊戲呀之類

都係 D 小朋友玩意

最好笑係依個

坐係上面既小朋友要用繩自己拉自己上去最頂

然後放手跌返落黎.......................................

真係睇到都"鄧"佢攰

雖然Legoland都係大財團既產物

但佢有好多地方依然有d落後既感覺

好似依d遊戲攤位咁

當日由於太少遊人

職員好努力咁叫我地去玩

雖然都想幫襯下

但睇到佢d公仔..................

好 大概望過哂個樂園之後

我地就去先醫醫肚先

左揀右揀 最後食Pizza

 

 我要左個意粉餐

M$25 (大概係75港紙)

味道都算OK 價錢係樂園黎講都算係咁

小A個Pizza細左少少 但都ok

食飽飽 我地決定一試依個觀景台

坐左入去 佢會一直360度咁轉上去

LEGOLAND佔地都唔算細

但其實開發左既地方只有好少

玩完觀景台

我地去到最期待既一部份

Lego 迷你世界

新加坡

 

獅身像真係識噴水架

依個泰姬陵 好靚

(其實我都唔記得好清楚係咪真係泰姬陵)

有好多好大型 好靚又好details 既lego

真係睇足兩三個鐘都唔悶

最鐘意睇每個lego 既動作

好宏偉

倫敦街頭既 "香港"

由於有好多場景

我地3個都係各有各行 各有各睇

睇左個幾鐘

小A頂唔順太熱

過黎捉我走喇

(小A 仲投訴我做咩唔係身邊 話龍妹妹幫佢影既相Out focus ~)

(哈哈哈哈)

天氣極之炎熱

(事後發覺我已經黑哂!)

搵間cafe 食下野先

2個芝士薯塊 同埋 3 杯可樂  M$ 21

 

芝士薯塊好好味!

食飽飽

再周圍影下相

利賓立仔仔

史力加都有

依個小偷係間餐廳上面 好鬼崇 哈哈

小朋友 你咁矮點賣汽水呢?

 

HELLO~~

我好鐘意依個阿伯 大家睇下

佢對襪係穿架!

依張Poster 係Legoland 無處不在

我好鐘意左邊個女仔個髮型呀

但都無得賣既

依到最吸引既手信係刻名lego

俾錢即刻刻 15分鐘搞掂

M$ 12.95一個題扣 買2送1

刻字每個 M$ 10

刻完字 我地去砌自己既人仔

M$ 9一個

話說小A 當年去德國Legoland 果時

全園既lego腳缺貨

佢為左唔執輸 所以買左一大堆身同頭返去

不過佢唔記得數下自己爭幾多對腳

所以最後無係到補貨.....

依D 好似夾糖咁

不過唔平

小A 夾左少少

買完紀念品 夠鐘返歸囉

其實個樂園都差不多關門

大家都準備走lu

沿途返新加坡既日落好靚

話說回程過關返新加坡

我又被海關問話

唔知我係咪曬得太黑

惹起海關既懷疑

佢不斷問我新加坡個住址係邊個既

民宿主人而家係邊

係我好無奈不斷答佢問題既之際

正想回頭望一眼小A

我見到佢急促狂奔既背影...........................

佢見我被海關纏住....

極速跑去第二條Line........... 

最後睇睇今日既紀念品

收獲好豐富呀