2013 翻兜新加坡之旅 DAY 4 (8 Oct 13) 聖陶沙

 快樂時光過得特別快

尾二個日喇

是日約左民宿女主人 - 大嫂去clarke quay食lunch 

今次係我地第一次自己由民宿行去搭地鐡

由起身、出門口、上地鐵

我地一直沿路同大嫂報備

等佢知我地無盪失路

由於上次食既「松發肉骨茶」令人回味

所以今次又幫襯佢

先黎個茶先 只係基本價錢

就有個咁別緻既茶盆

佢仲要係即場係則邊煲水

保證你水滾茶靚添

 

由於事隔太耐喇

其實我都唔係好記得食過ｄ乜同幾多錢

哈哈

依個豬手豬腸好好好好味！　一啖咬落去feel到好有骨膠原

哈哈

 依個類似魚片湯

有少少淡味

 

 肉骨茶我地要左兩個

貴少少既係西施骨

不過其實味道分別不大

不過好奇怪 唔知點解依次食味道無咁好味呀

 上次食係藥材味濃好多架

 

油炸鬼係必備之物 嘻

但其實依個味道麻麻

 

為左健康 菜叫左兩個

咁樣埋單 S$ 52

食飽飽我地去附近商場行下

大嫂就返公司

再影多陣相 我地就去聖陶沙喇

上次黎聖陶沙 因為無乜時間

一日內去哂環球影城、聖陶沙沙灘騷所有地方都係匆匆望過

本來諗住聖陶沙沿線都落車望一望

不過呢.........沙灘實在太靚喇!

嘻 依間Bikini Bar 裡面D侍應真係著哂Bikini架!!

讚讚讚讚!

超級無敵好天

三個人 泳衣都無帶諗住黎沙灘HEA走一個圈

居然 留到舒服到唔捨得走呀

浸水 浸水 浸水

玩沙 玩沙 玩沙

最重要係 影相影相影相

實在太靚同太舒服喇

 

 

係我地忘形咁影相 玩沙同浸水既時候

居然連時間都唔記得睇

本身四點鐘 我地就應該係車站到等車 準備去一陣既精彩活動

 

結果 16:20 我地都仲係沙灘

 

差D...........就鑄成左大錯.......