2013 翻兜新加坡之旅 DAY 4 (8 Oct 13) DuckTours & Singapore Flyer

話說我地係聖陶沙hea得太過癮

遲左返歸

所以去到Harbour Front 我地決定搭的士去目的地

一出地鐡

 我地就奪命狂奔!!!!!!!!!!

當時前面仲要有班人都係趕緊去搭的士

若然俾佢地快過我地

起碼要等多三四架呀!!

有見及此 雖然平時無運動

但係 危急關頭 幾攰幾辛苦都要跑呀

除左攰之外 我仲要忍受後面2個落後既團友一邊慢跑一邊講

"嘩~ 好攰呀"   "嘩~小宅真係跑得好快呀～＂ "嘩~ 佢唔攰既"  "

係一片嘩嘩嘩聲當中

我順利到達的士站

排第二！請鼓掌！

當其時簡直係跑完馬拉松衝完線咁既感覺呀

當2位慢跑團友都到達既時候

剛巧就有架的士黎

唔知點解佢地一交更就明正言順揀客

個司機問左我前面果去邊後 就揮揮手

然後問我地去邊

好彩上天係仁慈既 佢憐憫我一雙眼跑完 (自己感覺上) 十分里既粗腿

司機居然順我地路

我地成功上車 (S$9)

 話說回頭 何事我地要咁急呢

小A知我麻麻煩煩 又好享受做遊客去D呃錢景點

小A上網買左個Package

包左DUCKTours 同埋 Singapore Flyers

 位位 S$ 159

我地Book左今日17:00 DUCKTours

佢話要30分鐘前到架

遲左就冇架喇

好彩我地16:50去到 佢都俾我地去呀

不過小A身體比較差

佢頭先慢跑完頭暈呀

周圍又無水買 最後我同佢入去DUCKTours既手信店買左枝野飲

跟住佢坐係到休息下

上到船佢都係唔多舒服

我地坐後排

龍妹妹坐窗口位 我就坐小A同佢中間

小A不斷係到玩轉珠 >_<

個Tours好貴架嘛!

 

DUCKTours 就係依隻咁可愛既船仔

佢係海陸兩用架   好似係以前軍事用既

佢沿路一路開一路介紹

依一刻真係相當奇妙

係一架車變做船仔既一刻呀

其實新加坡既主要景點 都係圍住Marina Bay

所以我地坐船又係睇到三大名勝

 依個沿海既屋苑 感覺好舒服呀!

成個遊覽大概半個鐘左右 其實都好好睇

我覺得值得一去呀!

跟手我地要去Singapore Flyer

不過最後一架免費接駁車係18:30

仲有20分鐘 所以我地3個走入附近商場行

分頭行事 雖然無收穫

但涼下冷氣都好舒服呀!

好! 夠鐘搭車!

其實好短程 第一站就係Singapore Flyer喇

第一件事 當然係攞飛先啦

 

每張飛都唔同樣架!

拎到飛放心哂   去食個阿坤先

叫錯左.... 一般好食啫....

新出既奶茶沙冰 都唔錯

好野 抖夠就出發

車廂好大架! 可以入二十個人都非常鬆動

我地前面果班日本人 係貴賓黎

佢地係裡面食飯架

我一直覺得香港既夜景係最靚既

但上到黎我覺得新加坡既夜景都好靚呀!

 

雖然都係睇返今日搭船睇到既野

  

全程大概20分鐘

小A係最尾果幾分鐘拍左片

好靚呀架!

玩完之後 到小A肚餓喇

我地去左樓下個Foodcourt

佢地Foodcourt係懷舊設計 都幾特別

小A買左依個卷 哈哈  裡面包住d 野甜甜地 不過味道就麻麻

 食飽左 小A話想近睇魚尾獅

所以我地打算行過去望下

 

 眼見景點們越黎越近

 

但魚尾獅仲係有排都未到

與此同時 大哥大嫂佢地已經放左工

等我地去食飯

所以小A惟有放棄喇.......

依個係我地見到最近距離既魚尾獅喇

(仲要係相機ZOOM盡左......)

Byebye