話說偶爾在電視係睇到旅遊節目
爸爸都會睇得好高興
見到D得意野仲會好有興趣咁
所以同家姐商量左之後
就決定搞個家族旅行
(爸爸媽咪從來都冇去過旅行呀)
年頭講到年尾
時間原來真係過得好快
係台灣韓國同日本中間
爸爸揀左韓國
家姐姐夫年年都去韓國
所以行程就由佢地安排喇
我全程都係跟團~~ hahahaha
係旅行前早兩個月一直問家姐行程安排
佢有一日就拎左依疊野去媽咪屋企
嘻 係韓國行程搜集
姐夫話依到只係冰山一角.......
睇左家姐既行程安排之後
我發覺我同家姐真係完全2個人黎
佢每一日都安排得好full
由幾點起身 幾點沖完涼訓覺都安排埋
而且每日都係0700起身0000返酒店
我實在係有d嚇親
暗地裡搵左韓國通朋友review過行程
經我多番爭取之後
成功爭取到其中一個時間我可以私人活動
哈哈哈
*********************************************************************
好 出發
由於我同小A只有2個細喼
(2個都可以拎上機果種)
為左依個旅程 我突登去睇喼
爭D決定要買
最後竟然俾我發現萬寧居然有同一牌子既喼換
最後儲完印花加左六百幾蚊換左個26吋返黎
因為佔中改道既關係
又怕被家姐鬧我遲到
哈哈 最後搭機場快線去機場
除左我買左喼之外
家姐都買左兩套喼俾爸爸媽咪
我地都係喼內有喼咁帶過去
仲要俾佢地嘲笑我個喼細!
10:00去到機場 check in後就入閳食麥當勞
今次搭大韓機
由於太早買 無Discount
好似係未連稅要二千幾蚊左右
今次小A無Join到
我帶左黃絲小玉陪我
爸爸媽咪都係第一次坐飛機
(呀, 爸爸好似後生坐過去北京)
我地6個人剛好有2個窗口位
所以爸爸媽咪可以各位一個
媽咪睇得好開心
我俾左部相機佢影相
飛機餐有2種
一種係魚 一種係韓國拌飯
除左爸爸食魚之外 也全部要拌飯
味道一般般 但成盤咁上就好架勢
我地搭12:35機去到韓國已經18:00喇
我既韓國通朋友俾左T Money同埋電話咭我
不過家姐佢地就訂左電話咭
係機場拎
好似只需要百鬆d就有1GB
但係爸爸部大陸機居然用唔到張電話咭
所以迫於無耐又走左去租左WIFI蛋
跟住同姐夫跑去買Cash Bee 要7-11 先有
掂哂所有野之後
就搭車返酒店
我地住江南區驛山站附近既酒店
雖然距離去玩既地方比較遠
不過家姐話 依間佢住過好舒服
咁又真係幾舒服既
同埋交通都ok
機場巴士站同埋地鐵站都係5分鐘內到
我同媽咪住一間
張床好舒服 而且間房都算OK
不過佢一開門就係玻璃廁所 加 浴室
不過可以有到趟門可以間開間房保留私隱
但有一兩次我細佬話上黎拎野
我都唔知去唔去廁所好.....
放低行李我地去左酒店面既紫菜包飯天國
正當我地望住張紙好頭痕之際
大媽拎左依張野俾我地
配菜都幾好味
飯團
炒飯
依個湯餃無輪去到邊到
媽咪都會叫既
依個炸豬扒我爸爸非常欣賞
天寒地凍竟然叫左冷麵食
食飽飽家姐話去超級市場
係行過既時候我地買左依個小食
嘻~ 佢地好有用架係花生造型既外團裡面真係包左粒真花生
終於黎到我地今日第一個亦係唯一一個既行程
去蠶室既Lotte Mart
佢地D地鐵好明確指示你等緊果班車既位置
真好方便
韓國連巴士都有依D服務
先黎第一站 喪掃零食
據說11月11日係韓國既朱古力棒棒節
唔怪得佢D超級市場咁多朱古力棒棒賣啦
成個超級市場 我覺得最搞笑係依個
佢有個櫃賣依D
韓國超級市場最得意係佢地唔會俾膠袋你
但有好多紙箱任你拎
實在方便又環保過用膠袋
不過前題係佢地賣紙皮應該係無收入先會咁
返到酒店就去家姐房切蛋糕喇
因為依日係家姐正日生日呀~~~
Happy Bithday~~
No comments:
Post a Comment