我只想身體健康 要玩到過百歲不需拐扙都可跟你相擁

今天小A住院檢查了

說話小A腸胃唔好都唔係一日既事

已經係一年既事!!!!

無錯! 係一年!

 

由佢ee哦哦話唔舒服 到佢可以清楚表達有咩唔舒服

再到勸佢去睇醫生 睇專科 照胃鏡

用左足足一年既時間!!

希望佢可以好快知道咩事 (仲要係小事!)

然後好快可以好返啦!!

知道小A肯去照胃鏡

我立即返公司請2日假

我相信我阿頂應該好想殺左我

(雖然佢應承得好爽快)

因為我依輪因為清假過左個好愉快既12月

(唔計爛臉既話........................)

因為有保險小A去左法國醫院照

由於小A怕羞既關係

佢居然明明想住5-6人房都唔敢出聲

仲數度阻止我去同人講

係果種"好啦, 你去講啦"  "都係唔好喇, 一陣先啦" "好啦, 你同姐姐講啦" "都係算數啦"

無限重覆!!!!!!!!!!!!!!!!!!!!!!!!

但入到房見到對面既5-6人房又暗自飲恨.......

無錯! 小A既性格就係咁

 我有時真係抵唔住頸架!!

好, 上房!

登記完獲派左一個小手袋

 

裡面有D咩呢?

 

都算幾齊全

 

 上左房無耐 姑娘就拎左包瀉粉俾小A

仲吩咐佢唔好瞓覺同要喪飲水

既然無得瞓

 小A就唔想坐係床到

結果 佢就坐左係探病櫈

而我就坐左係床到碌黎碌去睇書

我地依個陣設令唔少入黎既姑娘同埋醫生O左咀

 差不多八點

我地聽到隔離床不斷CALL姑娘叫野食

小A就出左去貢

終於發現Menu

基於小A聽朝照腸同照胃

所以只可以食流質既野

於是乎商量左之後叫左碗粥水過佢食

而我呢...........

好無恥地叫左個肉醬意粉!!!!!!!!!!!!!!!!!!!!!!!!!

 時近九點個外賣仲未到

我開始有D擔心

因為雖然姑娘無提示

但我登記果時睇到探病時間係9am - 9pm

而過左10pm 客人仲要收錢

 個意粉要成$52架!!

我走左個意粉先黎咪好唔抵囉!

好彩差不多九點佢終於都到左

 

  味道當然唔會係好味啦

但係就叫可以接受囉

有少少住家既感覺

而到既時候小A剛剛去左廁所

所以我食左大半佢先返黎

咁都算減少左我既無恥感 wakakkakaka

最後由於無人趕

所以我坐到10:30pm先走

小A~~ 你要健健康康呀!!!!!!